Policia e Korçës ka arrestuar shtetasin e shpallur në kërkim shtetasin P.Ç, 46 vjeç, banues në Korçë.
Ndalimi i tij u bë pasi, ditën e djeshme në lagjen nr.14, ky shtetas duke drejtuar pa leje drejtimi, një mjet minitraktor pa targa, ka humbur drejtimin dhe për pasojë është aksidentuar shtetasi R.H, 60 vjeç, banues në Korçë, pasagjer në këtë mjet, i cili ndodhet në Spital jashtë rrezikut për jetën.
Drejtuesi i mjetit, është larguar nga vendi i aksidentit dhe është kapur më pas nga shërbimet e Policisë.
Materialet i kaluan Prokurorisë të Rrethit Gjyqësor Korçë për veprat penale “Shkelja e rregullave të qarkullimit rrugor”, “Drejtimi i mjetit në mënyrë të parregullt” dhe “Largimi nga vendi i aksidentit”.
