Një aksident i rëndë është regjistruar në orët e para të mëngjesit të sotëm në aksin rrugor Elbasan-Tiranë, në afërsi të TEG-ut. Si pasojë e aksidentit ka humbur jetën shtetasi me iniciale B.M. 31-vjeç pasi ka humbur kontrollin mbi makinën që ai drejtonte. Mësohet se i riu ka ndërruar menjëherë jetë.
Njoftimi i policisë:
Në aksin rrugor Elbasan-Tiranë, në afërsi të TEG-ut, mjeti me drejtues shtetasin B. M.,31 vjeç ka humbur kontrollin dhe ka dalë nga rruga duke u përplasur me bordurën e rrugës.
Si pasojë e përplasjes ka ndërruar jetë vetë drejtuesi i mjetit.
Grupi hetimor vijon punën për zbardhjen e rrethanave dhe shkakut të aksidentit.
