Është ndarë nga jeta pas një beteje të gjatë me një sëmundje të keqe, regjizori, skenaristi dhe autori Mattia Torre. Torre humbi betejnë e tij me sëmundjen në moshën 47 vjeçare, por edhe pse shumë i ri la pas një numër të madh veprash duke mos harruar edhe një nga të parat realizime televizive në ekranet italiane për Shqipërinë dhe Kosovën e viteve ’90.
Në shtetin fqinj do të njihet si bashkëautor i serialit më të ndjekur në historinë e ekraneve italine ‘Boris’. Ai gjithashtu është regjizor, scenarist dhe autor i shumë veprave teatrale, skeçeve humoristike dhe filmave në këtë zhaner.
‘Faleminderit Prill i 99’ titullohet edhe një ndër librat e tij kushtuar shqiptarëve dhe eksodit Kosovar në Shqipëri gjatë luftës me Serbinë, ku është përshkruar dhe treguar me shumë dhembshuri dhe detaje historia e dy kombeve të ndryshëm që flasin një gjuhë.
