Mazhoranca parlamentare e drejtuar nga Edi Rama ka nisur njëkohësisht dy nisma, e para për shkarkimin e Ilir Metës nga posti i Presidentit të Republikës, dhe tjetra për shkarkimin e Arben Malajt si anëtar i Këshillit Mbikqyrës së Bankës së Shqipërisë.
Për Metën, Kuvendi ka ngritur edhe një komision hetimor, ndërsa kërkesa për Malajn e firmosur nga 28 deputetë, ndodhet në zyrën e kryeparlamentarit Gramoz Ruçi.
Ndërkohë në një reagim në rrjet, ish-ministri Petrit Vasili, nënkryetar i LSI-së, ironizon Edi Ramën, duke u shprehur se ai mund të nisë procedurën edhe për shkarkimin e Donald Trump si President i SHBA.
“Me këtë trashësi që kanë, sa lodhen kot me Malajn le ti futen të shkarkojnë Trumpin meqë nuk do Edi Rama dhe ka thënë që është rrezik për njerëzimin”, shkruan Vasili në një reagim në rrjet.
