Gjykata e Vlorës konfirmoi sot mandatin e Gjergji Goros si kryebashkiak i Himarës, i dalë nga votimet e 30 qershorit.
Goro u rizgjodh për një tjetër mandat në krye të bashkisë, në një proces pa rivalë në garë.
Vendimi për mandatin e Goros është dhënë nga gjyqtari Skënder Haluca, i cili është edhe kryetar i Gjykatës së Rrethit Gjyqësor Vlorë.
Një ditë më parë, Gjykata e Durrësit nuk i dha mandatin Valbona Sakos me argumentin se Bindja Demokratike ishte regjistruar si subjekt përtej afateve ligjore dhe fleta e votimit ishte e pavlefshme.
Ndërkohë gjykata e Tiranës shpalli moskopetencën për mandatin e kryebashkiakut të Vorës Agim Kajmaku, duke e deleguar si kompetencë në Gjykatën Administrative.
