Ambasadorja e Shqipërisë në SHBA, Floreta Faber ka publikuar në Twitter një qëndrim të Ndihmëssekretarit të shtetit për Euroazinë, Philip Reeker.
Sipas ambasadores, Reeker është shprehur se Shqipëria duhet të përdorë institucionet e saj në mënyrë që të kalojë gjendjen e sotme politike.
Bojkoti i opozitës sipas ndihmëssekretar shteti për Euroazinë, nuk ishte ajo që shpresonte SHBA.
“Shqipëria duhet të përdorë institucionet e saj në mënyrë që të kalojë gjendjen e sotme politike.
Bojkotimi i tyre nuk është ajo që shpresuam të shohim. Ata duhet ta zgjidhin situatën brenda kuadrit kushtetues!”, ka deklaruar Philip Reeker Ndihmës sekretar shteti për Euroazinë, gjatë samitit në Uashington”.
