Ish-deputeti i PD Tritan Shehu me anë të një statusi në “Facebook” shprehet se kjo qeveri vazhdon që të përhapë me paturpësi nostalgjizmin për diktaturën dhe diktatorin Enver Hoxha.
Shehu shprehet se qeveria shqiptare ka vendosur që të restaurojë shtëpinë e diktatorit dhe madje e ka kthyer atë edhe në vend peligrinazhi. Ai shton se kjo gjë ëhstë kundër çdo lloj praktike që ndodh në Perëndim, teksa përmend rastin e Austrisë, vend në të cilin shtëpia e Hitlerit u ble nga privati dhe aty u ndërtua një qendër për pacientë me aftësi të kufizuara, të cilët Hitleri i shfaroste.
Për Shehun, të tilla praktika kthejnë edhe njëherë nostalgjizmin për diktaturën dhe kjo bëhet për shkak se Shqipëria po rrëshqet përditë e më shumë drejt politikave të vendeve lindore.
Postimi i Tritan Shehut:
Ne Gjirokaster, shtepia e Diktatorit vend pelegrinazhi!!
Shtepine e lindjes se tij Rilindja vendos ta restauroje me fondet publike.
Nderkaq Qeveria e Austrise po paguan 1,5 M Euro per te blere nga privati shtepine e lindjes se Hitlerit, vetem per ta shkaterruar ate e ndertuar aty nje qender per pacientet me aftesi te kufizuara, te cilet ai i zhdukte ne kampet e cfarosjes, si dhe te nje muzeum ne kujtim te nje prej atyre kampeve, atij te Mathausen.
Edhe sot para asaj shtepie ne Austri gjendet nje gur me mbishkrimin “Per paqen, lirine dhe demokracine, kurre me fashizem qe na kujton miliona te vdekur”.
Po para shtepise se Diktatorit tone ne Gjirokaster a do te vendoset se paku dicka e ngjashme?
Ne fakt mbas prishjes se saj, aty duhet ndertuar nje muzeum ne kujtim te viktimave gjirokastrite te komunizmit.
Por Rilindja desheron ta ktheje ate ne nje vend peligrinazhi nostalgjik!
Diference si nata me diten kjo midisi nesh dhe Perendimit ne qendrimet ndaj diktatoreve, pergjegjes per krime monstruoze, sejcili ne vendin e tij.
Keto nostalgji po perdoren ne Shqiperi per te perhapur Sindromen e Stokolmit, qe po merr dimensione te rrezikeshme, pikerisht per te justifikuar ngritjen e autokracise se sotme, forcimin e despotizmit lindor, qe po konsolidohet cdo dite.
