Presidenti Ilir Meta ka reaguar sërish lidhur me situatën poltike, pas një dite tejet intensive ku vetëm ditën e djeshme ka kthyer në Kuvend jo pak por 3 ligje të reja të Kryeministrit.
Meta I ka bërë thirrje të gjithë fakotrëve politikë, partive politike dhe qytetarëve që të reflektojnë dhe të shkojnë të gjithë në zgjedhjet të parakohëshme për të mos humbur rastin e një antarësimi të mundshëm më 17-18 tetor.
Statusi i Metës
KOHA QË TË MOS MBETEMI EDHE NË VJESHTË!
Të dashur qytetarë,
30 qershori iku si një datë e përbashkët vetëm kalendarike. Përpara kemi një datë tepër të rëndësishme, për ne dhe të ardhmen e vendit tonë, 17-18 tetor 2019, kur Këshilli i Bashkimit Europian🇪🇺 do të marrë një vendim për çeljen ose jo të negociatave me Shqipërinë🇦🇱.
Ndaj nuk mund të vazhdohet më të ecet në dy rrugë të kundërta, që nuk takohen me njëra-tjetrën: në një anë atë të kapjes së çdo institucioni, çdo zyre dhe çdo vendi pune, dhe atë të delegjitimimit të çdo institucioni nga ana tjetër.
Të dy palët duhet t’u krijojnë mundësinë të gjithë qytetarëve shqiptarë, që në mënyrë të qetë, civile dhe demokratike të shprehin sovranitetin e tyre për të gjitha institucionet, vendore dhe qendrore, përfshi dhe Presidentin nga populli, në 13 tetor.
KOHA ËSHTË TANI!
Në 19 tetor do të jetë shumë vonë!
