Para disa ditësh kryeministri Edi Rama publikoi në rrjet mesazhin falenderues që kishte marrë nga një qytetar lidhur me shërbimet e kompanisë Air Albania, e promovuar nga Kreu i Qeverisë si një arritje e madhe dhe si një kompani shqiptare.
Por gazetari Mishel Koçiu ka zbuluar në rrjet, as më shumë dhe as më pak, se Air Albania është një degë e kompanisë turke Turkish Airlines dhe asgjë më shumë.
“Air Albania, ose shakaja turke e kryeministrit shqiptar.
Sapo mora një email: Fluturimi juaj në vijim do të operohet nga Air Albania, që është një degë e Turkish Airlines.
Edhe në version turqisht madje:
Sayın MISHEL KOCIU,
Aşağıda bilgileri bulunan uçuşunuz bir Türk Hava Yolları iştiraki olan Air Albania tarafından icra edilecektir”, shkruan Mishel Koçiu në rrjet, duke postuar edhe fotot përkatëse.
Kujtojmë se Kryeministri Edi Rama në deklarimet publike është shprehur se “Air Albania’ është një vepër kombëtare”.
Nuk dihet nëse Rama i qëndron ende këtij versioni apo pranon atë që i është shkruar pasagjerit që ka denoncuar në rrjet.
