I cilësuar “mbreti i trafikut të drogës”, El Chapo, 62 vjeç, u dënua nga një gjykatë e Nju Jorkut me burgim të përjetshëm për dhjetë akuza.
El Chapo u shpall fajtor për trafikimin e tonelatave të kokainës, heroinës, marihuanës dhe vrasjeve të shumta si shef i kartelit “Sinaloa”, një nga organizatat më të mëdha dhe më të dhunshme të trafikimit të drogës në Meksikë.
Joaquin “El Chapo” Guzman Loera, u dënua me burgim të përjetshëm, plus 30 vjet burgim, nga një gjykatës federal në Nju Jork, duke i dhënë fund procesit të gjatë gjyqësor që filloi me arrestimin e tij në Meksikë 2016 dhe ekstradimin e tij të mëvonshëm në Shtetet e Bashkuara.
Ai u gjet fajtor shkurtin e kaluar nga një juri prej 10 gjyqtarësh.
Vetë Guzman mori fjalën para dënimit për të thënë se atij iu mohua një procesi i drejtë dhe u ankua për kushtet e burgut që lidhen me izolimin e tij të vështirë.
Sipas tij, çështja u “njollos” nga paragjykimet e jurisë. Të cilët, sipas avokatit të tij kanë lexuar në mënyrë të gabuar mbulimin e mediave, duke u kushtëzuar. Avokati pastaj kërkoi një gjykim të ri. /Boldnews.al/
