Agron Duka, kryetar i PAA-së, aleat i Lulzim Bashës, ka reaguar lidhur me nismën e deputetëve të PS-së për shkarkimin e Arben Malaj si anëtar i Këshillit Mbikqyrës së Bankës së Shqipërisë.
Duka shkruan se pas Metës, rradhën për t’u shpallur armik publik e ka Arben Malaj.
“Si në rastin e Presidentit, vetë e kandiduan, vetë e votuan dhe vetë po kërkojnë ta shkarkojnë. Lind pyetja: Po me Arbenin ç’patën?”, shkruan Duka.
Postimi i Arben Dukës
Pas Presidentit, radhën për t’u shpallur armik publik e ka Arben Malaj, anëtar i Këshillit Mbikëqyrës të Bankës së Shqipërisë. Si në rastin e Presidentit, vetë e kandiduan, vetë e votuan dhe vetë po kërkojnë ta shkarkojnë. Lind pyetja: Po me Arbenin ç’patën?
Pretendimi se Malaj ka kryer ‘shkelje të rënda të etikës’, pasi ka nënvizuar problematikat e shumta të kësaj mazhorance, është paradoksale dhe qesharake.
Sidomos kur këto akuza ngrihen nga një shumicë e përgjuar duke shkelur me këmbë lirinë e votës. Mendimi ndryshe është një virtyt dhe jo një shqetësim për një shoqëri demokratike. Duhet inkurajuar dhe jo ndëshkuar!
