Perditesuar/ Policia e Tiranës ka dhënë detjae lidhur me aksindetin e ndodhur këtë të diel në aksin rrugor që lidh kryeqytetin me Vorën.
“Në rrugën dytesore Vorë-Tiranë një furgon që shërbente për transport mallrash me drejtues shtetasin Alkid Kondo, rreth 28 vjeç ka humbur kontrollin dhe ka dalë nga rruga duke u përplasur me bordurën e rrugës. Si pasojë e përplasjes ka ndërruar jetë pasagjerja e mjetit e cila prej dëmtimeve të rënda të shkaktuara nuk është identifikuar, ndërsa drejtuesi i mjetit ndodhet në SQU nën kujdesin mjeksor në gjëndje kritike për jetën. Grupi hetimor vijon punën për zbardhjen e rrethanave dhe shkakut të aksidentit”, njoftoi policia.
***
Aksident fatal në autostradë, gruaja humb jetën
Një aksident me vdekje ka ndodhur këtë të diel në autostradën që lidh Tiranën me Vorën. Nga raportimet e para, mësohet se viktimë ka mbetur një grua, pasagjere në automjetin e përfshirë në aksident.
Identiteti i viktimës dhe detajet e ngjarjes mbeten ende për tu zbardhur. Por, nga raportimet paraprake, bëhet e ditur se një furgon mallrash ka dalë nga rruga dhe është përplasur me bordurën e rrugës. Impakti ka qenë fatal për pasagjeren e cila ka ndërruar jetë. Ndërkohë, drejtuesi i mjetit mësohet se është plagosur rëndë.
/BN/
