Jeison Murillo rikthehet sërish në Seria A. Mbrojtësi kolumbian do të luajë me fanellën e Sampdorias, dy vite pasi ai la Interin për t’u transferuar te Valencia në La Liga.
27-vjeçari veshi edhe fanellën e Barcelonës për pjesën e dytë të sezonit të shkuar, por pa lënë asnjë gjurmë në “Camp Nou”.
Murillo transferohet te Sampdoria për 14 milionë euro, ndërkohë që konsiderohet zëvendësuesi ideal i Joachim Andersen, i cili u largua drejt francezëve të Lyonit.
Ai është shprehur se ndihet i lumtur që kthehet përsëri në Itali tek një klub i rëndësishëm siç është Sampdoria.
