Dhuna në familje tashmë është bërë fenomen në familjet shqiptare. Pothuaj çdo ditë në polici referohen raste të bashkëshortëve që ushtrojnë dhunë mbi gratë e tyre dhe anasjelltas.
Policia e Vlorës ka vënë në pranga ditën e sotme një 61-vjeçar, i cili në mënyrë sistematike ushtronte dhunë fizike ndaj bashkëshortes së tij 42 vjeçare.
Në pranga ka rënë edh enjë drejtues mjeti, i cili udhëtonte pa leje drejtimi përkatës.
Njoftimi i policisë
Policia ka arrestuar dy shtetas, njërin për dhunë në familje dhe tjetrin për drejtimin e mjetit në mënyrë të parregullt.
Arrestohet shtetasi F. Ç., 61 vjeç, banues në Vlorë.
Arrestimi i tij u bë pasi dyshohet se ky shtetas në mënyrë të përsëritur ka ushtruar dhunë fizike ndaj bashkëshortes së tij 42 vjeçare, për motive të dobëta.
Arrestohet shtetasi T. A., 31 vjeç, banues në Vlorë.
Arrestimi i tij u bë pasi u kap në lagjen “Ujë i Ftohtë” duke drejtuar automjetin “Seat Ibiza” pa leje drejtimi përkatës.
Materialet iu referuan Prokurorisë në ngarkim të secilit për veprat penale “Dhunë në familje” dhe “Drejtimi i automjetit në mënyrë të parregullt”.
