Deputeti Kujtim Gjuzi pak javë më parë habiti të gjithë me vizitën e tij në burgun e Fushë Krujës, kjo pasi të rralla janë vizitat e ligjvënësve në intitucionet e vuajtjes së dënimit.
Gjuzi pas vizitës tregoi dhe detaje, ku tha se kishte takaur në qeli Nehat Kullës. Këtë ai e shprehu dhe në një intervistë për “Panorama” pak ditë më vonë. Po çfarë e lidh deputetin Konservator me “Gjeneralin”?
Sot pasi Dosja.al publikoi lajmin se Kulla është lënë i lirë, një ish-gazetar i vjetër shkroi në redaksinë tonë ku hidhte dyshime për një lidhje të deputetit me të dënuarin. Sipas tij Gjuzi ka qenë një nga “ushtarët” e bandës së Nehat Kullës në vitin 1997.
Ai shton më tej se kjo gjë është e faktuar dhe me shkrime të kohës, kur banda kryente krime gjatë viteve të trazirave në vend. Kujtojmë se Nehat Kulla ka lënë qelinë e burgut të Fushë Krujës, pasditen e somte pasi përfundoi të gjitha ditët që i kishin ngelur nga vitet e dënimit. /Dosja.al
