Numërimi i votave në 11 kutitë e votimit për kryetar bashkie në qarkun e Lezhës ka sjellë pakënaqësi dhe debat në radhët e anëtarëve të KQZ-së. Kryetari i këtij institucioni, i cili është i vetëm kundër katër anëtarëve të majtë, e ka konsideruar një lojë numërimin duke i bërë thirrje edhe ankimuesve se duhet të kishin kërkuar më parë edhe listën e zgjedhësve.
Për Zgurin ky process ka parregullësi të shumta.
“Shkelje te rënda ligjore gjatë procesit zgjedhor për zgjedhjen e kryetarit të Bashkisë Lezhë. Më shumë vota në kutitë e votimit sesa numri i zgjedhësve që kanë marrë pjesë. Ankimuesi duhet të kërkojë listën e votuesve dhe kjo është mangësi. Listat e votuesve qenkan mollë e ndalueme në këtë process zgjedhor. Kam kërkuar të ketë verifikim të listave të votuesve dhe është refuzuar. Kam kërkuar përzgjedhje rastësore dhe të shihet kjo parregullsi dhe të çtensionohet klima. Në funksion të kësaj kërkese ankimore unë kërkova të vihet të dispozicion lista e votuesve dhe kjo është refuzuar. Kemi 11 kuti të hapura dhe pretendimi im refuzohet. Procesi i ankimimit është në mbyllje”.
Hapja e kutive/ Përfundon numërimi i votave në Lezhë, ja si ndryshon rezultati
