Partia Socialiste ka dërguar në Kolegjin Zgjedhor katër padi lidhur me 30 qershorin. PS kërkon shpërndarjen e mandateve për 4 këshillat bashkiakë pasin kryetarët e dalë nga votimet e 30 qershorit nuk e nisin dot detyrën pa bërë betimin përpara këtyre të fundit.
Konkretisht paditë janë për bashkitë Ura Vajgurore, Konispol, Devoll dhe Kuçovë.
Ndërkohë, për miratimin e vendimeve të këshillave bashkiakë, nëse do të votonin pro marrjes së mandateve nga kandidatët për kryetar në votimet e 30 Qershorit, duhen 5 vota në Komisionin Qëndror të Zgjedhjeve. Por me sa duket një ngerç tjetër pritet të hapet për këtë çështje, pasi kryeatari i këtij institucioni, Klement Zguri me shumë gjasë do të votojë kundër, ndërsa PS ka vetëm 4 vota në KQZ.
Nga ana tjetër, burimet theksojnë se Kolegji Zgjedhor ka nisur hedhjen e shortit për caktimin e trupës gjykuese lidhur me këtë çështje.
