Vendet e lëna bosh pas shkarkimit nga Vettingu janë zëvendësuar me emra të rinj në prokuroritë e disa qyteteve.
Në mbledhjen e sotme Këshilli i Lartë i Prokurorisë ka caktuar prokurorin Gjon Fusha si drejtues të Prokurorisë pranë Gjykatës së Apelit në Gjirokastër. Gjon Fusha do të zëvendësojë Arben Pasho, të shkarkuar nga Vettingu.
Këshilli i ka kërkuar kandidatëve të shprehin preferencat e tyre për caktim në pozicion sipas vendeve vakante, aktualisht në sistemin e prokurorisë dhe duke patur parasysh nevojat e sistemit për prokurorë të rinj.
Kështu KLP ka bërë të tjera emërime, si Eliona Elezi në prokurorinë e Krujës, Erida Visoçi në prokurorinë e Vlorës, dhe Mediana Meta në prokurorinë e Kavajës.
