Kryetari i Partisë Demokratike deklaroi pas mbledhjes me strukturat në selinë blu se prioritet është rimëkëmbja e ekonomisë dhe ofrimi i mirëqenies për qytetarët. Për të arritur te kjo, sipas Bashës, duhet të zgjidhet kriza politike.
Si recetë për këtë të fundit, Basha tha se është “fundi i pandëshkueshmërisë të politikanëve të kapur duke vjedhur votat”. Këtu, përmendi kryeministrin Edi Rama, si kreun e një “regjimi” sipas tij, të korruptuar, të lidhur me krimin dhe që ka vjedhur vota.
Gjatë prononcimit për gazetarët, Basha foli edhe për aksionin opozitar si dhe deklaroi se së shpejti “do ti japim formë projektit tonë të transformimit ekonomik dhe politik të vendit”.
“Me sytë tanë kemi parë në qytete, fshatare madje edhe në plazh, njerëzit nuk kanë lekë për të blerë bukën e gojës. 31 përqind e familjeve s’mbyllin dot shpenzimet e ushqimit, bukës mujore. Ky është prioriteti i vërtetë dhe absolut i vendit. Ndaj gjithë vëmendja jonë, gjithë energjia jona, është përqendruar drejt dhënies formë të ndryshimit që pret dhe meriton çdo shqiptar, duke filluar me gjendjen e mjeruar ekonomike ku e ka katandisur vendin ky regjim. Natyrisht që gjendja ekonomike të ndryshoje dhe do ndryshojë përmes një transformimi të vërtetë të ekonomisë, duhet të zgjidhim krizën politike. Dhe kjo krizë politike mund dhe do të zgjidhet përmes standardeve perëndimore. Fund pandëshkueshmërisë së politikanëve të kapur duke vjedhur votat. Ndëshkim këtij regjimit që si rezistoi dot tundimit për të vjedhur edhe veten e vet kur vetë kandidonte, vetë votonte, vetë numëronte, vetë tabulonte dhe vetë shpallte rezultate dhe kthimin e sovranitetit te qytetarët. Janë vetë qytetarët ata që do të vendosin me votën e tyre qeverisjen që meritojnë dhe sa na takon ne, këto ditë, këto javë këto muaj, do ti japim formë projektit tonë të transformimit ekonomik dhe politik të vendit. Si prioritet absolut mbetet dhënia fund e qeverisjes korruptive që raporti i Departamentit Amerikan të Shtetit dje e cilësoi qeverinë më të korruptuar të Ballkanit. Kjo është arsyeja se pse Edi Ramës iu mbyll çdo derë, doli nga Poznani me 0 financime, sepse se si mund ti besohen financimet e taksapaguesve europianë një njeriu të provuar si hajdut zgjedhjesh dhe hajdut të fondeve publike shqiptare, europiane dhe euroatlantike. Prandaj prioriteti kryesor është ndryshimi urgjent i kësaj qeverisje të korruptuar dhe të inkriminuar me një proces zgjedhor të lirë e të ndeshmë me standarde që s’mund të ndodhë për sa kohë në krye të vendit është një njeri që ka kapur drejtësinë dhe ka kapur zgjedhjet”, tha Basha.
Si do vijojë aksioni opozitar?
Basha: “Si ka vijuar do të vijojë, lajmi është ky: Gjithë fokusi ynë do të vendoset tek prioritet e vërteta të njerëzve, çlirimi nga mjerimi ekonomik dhe hapja e rrugës për punësim dhe mirëqenie për çdo shqiptar. Kjo vjen përmes reformave të thella politikë, kjo vjen përmes zgjedhjeve të lira e të ndershme. Dhe për këtë, për këtë beteja që ka nisur dhe ka marrë mbështetjen e mbi 85 mijë shqiptarëve më 30 qershor do të vazhdojë deri në kurorëzimin e saj me firon e plotë të çdo qytetari. Në këtë betejë, nuk jemi për karriget tona, ato i dorëzuam, nuk jemi për pushtetin tonë, atë e sakrifikuam, për hir të qytetarëve dhe për hir të interesit qytetar do të bëjmë çmos , çdo sakrificë në c çdo betejë në c çdo formë dhe me c çdo mjet të mundshëm për ti rikthyer njerëzve vendimmarrjen, votën dhe përmes tyre një qeveri që punon për ekonominë, punësimin dhe mirëqenien e tyre dhe të fëmijëve të tyre”.
/BN/
