Një burrë nga Fshati Makërrmal i Skenderajt është gjetur sot pa shenja jete në pusin e shtëpisë së tij.
Rastin e ka konfirmuar zëdhënësi i Policisë për Rajonin e Mitrovicës, Avni Zahiti.
“Mund të ju konfirmoj se është gjetur pa shenja jete në bunarin e shtëpisë së tij një burrë i moshës afro 82-vjeçare. Rasti është lajmëruar nga familjarët e tij. Trupi i pajetë i viktimës është dërguar në Institutin e Mjekësisë Ligjore për obduksion”, ka thënë Zahiti.
Ndërkaq Zahiti ka treguar se rasti është cilësuar si “hetim i vdekjes”.
