Kryetari i Partisë Demokracia Sociale, ish-ministri i Jashtëm Paskal Milo, i cili është aleat me PS-në e Edi Ramës, deklaroi se kriza politike në Shqipëri, po tregon se shqiptarët nuk janë të aftë të qeverisin.
I ftuar në emisionin ‘Open’ Milo deklaroi se vonesa e zgjidhjes së krizës po ushqen fatkeqësisht idenë e vjetër se ne nuk mundemi të qeverisemi dot, e po ushqejmë gjithnjë e më shumë konceptin e një protektorati ndërkombëtar, ide që ka mbizotëruar edhe në fillimet e krijimit të shtetit shqiptar.
