Gazetari Erl Kodra ka komentuar atë çka u publikua dje në media, ku dy komedianë rus, i kanë bërë kryeministrit të Maqedonisë së Veriut një lojë duke e marrë në telefon dhe duke u hequr si Porshenko, presidenti i Ukrainës.
Në audio përgjim Zaev shpreh haptazi qëndrimin e tij kundër shkëmbimit të territoreve midis Serbisë dhe Kosovës.
Statusi i tij:
Në fillim duhet bërë një saktësim, se politika nuk ka ndonjë gjë të veçantë nga aktivitetet e tjera, domethënë, ajo është po aq banale sa ç’është kryerja e aktivitetit biologjik human.
Zoran Zaev është një politikan i ri, i guximshëm dhe mendjehapur. Ai e ka kuptuar se gjysma e popullit të tij janë shqiptarë që duhet t’i respektojë dhe t’i mbrojë njësoj si qytetarët e kombësive të tjera. Dhe këtë po e bën shumë mirë, shumë më mirë se Kryeministri Edi Rama.
Sipas të gjitha gjasave, Zoran Zaev qenka edhe një patriot i mirë shqiptar, jo vetëm një politikan i mirë maqedonas.
Faleminderit shqiptari i mirë Zoran Zaev!
Faleminderit që po i mbron edhe shqiptarët e Kosovës nga shqiptarët Rama dhe Thaçi.
Sinqerisht u ndjeva i qetë, sepse paska edhe politikanë që mendojnë seriozisht për shqiptarët.
