Kryetarja e LSI-së, Monika Kryemadhi është shprehur se grupe antishqiptare kanë 15 vite që duan të arrestojnë Ilir Metën. Sipas saj, përpjekjet kanë nisur për shkak të kontributit të bashkëshortit të saj për njohjen e Kosovës.
“Keni frikë se mos e arrestojnë Ilir Metën”, u pyet Kryemadhi në studion e emisionit “Tempora”.
“Fare absolutisht, ka 15 vjet që do ta arrestoje Rama dhe ca te tjerë antishqiptarë”, tha Kryemadhi.
“Ka 15 vjet që grupe të caktuara antishqiptare duan ta arrestojnë që kur Meta ka nisur betejën institucione për njohjen e Kosovës që në kohën e luftës, që bëri shumë aksione në luftën kundër terrorizmit. Meta ka qenë prej kohësh në shënjestrën e grupe antishqiptare që prej vitesh kanë luftuar dhe zhbiriluar me çdo gjë. Metës i kanë bërë veting edhe të familjarëve deri në 7 breza, Ilir Meta është edhe i pastër si kristali”, shtoi ajo. /BN/
