Një person ka mbetur i plagosur rëndë me thikë në Sarandë. Burime nga policia lokale thanë se Berti Tahiraj, 40-vjec nga Vlora, është transportuar në gjendje të rëndë në spitalin e Sarandës. Ai ka marrë 3 plagë në gjoks dhe krahë, shtuan të njëjtat burime, duke iu referuar informacioneve të marra nga personeli i spitalit.
Sipas një rindërtimit paraprak të ngjarjes, ka pasur një konflikt mes 40-vjeçarit dhe një tjetër personi në një plazh privat në lagjen numër 1 në qytetin e Sarandës. Në kulmin e tij, 40-vjeçari është qëlluar disa herë me thikë.
Ai është transportuar në spital, ndërsa autori mbetet ende në arrati.
Hetimet e mëtejshme pritet të zbardhin dinamikën dhe shkaqet e ngjarjes. /BN/
