RENEA ka ndërmarrë një aksion në Elbasanit ku ka zbuluar një magazinë me armë moderne.
Mësohet se objekti i sekuestruar tashmë ndodhej në rrugën Elbasan-Papër. Burime bëjnë të ditur se brenda magazinës janë gjetur më shumë se 20 lloje armësh ndër më modernet.
Aksioni është kryer më 1 korrik, një ditë pas zgjedhjeve vendore të 30 qershorit.
Gazetarja e “News 24”, Klodiana Lala ka mësuar se magazina ku u gjetën dhe u sekuestruan armët e sofistikuara rezulton të jetë në pronësi të një shtetasi, i cili ka lidhje të afërta me një prokuror që ushtron detyrën në Prokurorinë e Elbasanit.
“Është sekuestruar një arsenal armës të sofistitkuara, që zërat flasin se i përkasin një grupi të strukturuar kriminal që vepron në qytetin e Elbasanit. Policia e Shtetit nuk ka dhënë asnjë prononcim dhe reagim për këtë çështje. Magazina ku janë gjetur armët rezulton në pronësi të një personi me lidhje familjare me një prokuror, që ushtron detyrën në Prokurorinë e Elbasanit. Ajo që është për të diskutuar është se policia e ka mbajtur në fshehtësi të plotë këtë operacion”-tha Lala.
