Ish-kryeministri Sali Berisha, e ka quajtur një akt të rëndë të shkeljes së Kushtetutës, votimin në parlament të ngritjes së Komisionit hetimor për shkarkimin e Ilir Metës.
Berisha tha se shumë shpejt Rama do të përballet me pasojat.
I pyetur nëse ka frikë nga drejtësia, Berisha theksoi se ai që duhet të ketë frikë është kryeministri Edi Rama.
‘Ishte një akt puçist i mirëfilltë që kreu i meduzash bashkë me horrat e tij mori ndaj kushtetutës dhe institucionit të presidencës.
Ato dekrete nuk mund ti shqyrtojë askush tjetër veç Gjykatës Kushtetuese. U them shqiptarëve se ata po bëjnë hapa të qarta drejt grushtit të shtetit. Do përballet Edi Rama me të gjitha pasojat. Këta që bëjnë kryegjykatësin, kryeprokurorin kryeshefin e ekzekutivit, kryenarkoparlamentin, meritojnë të përmbysen një minutë e parë. Edi Rama do kalbet të paktën 37-vjet në burg’, tha Berisha.
