Kryetari i PDK-së, Nard Ndoka ka bërë një krahasim mes kryeministrin shqiptar Edi Rama, dhe kryeministrit në largim të Greqisë Aleksis Cipras.
Për Ndokën, Tsipras tregoi një sjellje europiane, ndërsa Rama sjellje anadollake.
“Tsipras e nxori vendin nga kriza, ndërsa Rama e zhyti vendin në krizë e borxhe.
Tsipras humbi zgjedhjet lokale, e çoi vendin menjëherë në zgjedhje të parakohshme. I humbet edhe ato. Dorëzon pushtetin dhe uron fituesin akoma pa u shpallur zyrtarisht rezultati.
Rama manipuloi zgjedhjet lokale, përjashtoi opozitën, nuk pranon zgjedhjet e parakohshme, po vdes për pushtet. I ka shpallur luftë liderit të Opozitës dhe Presidentit të Republikës.
Kur nuk funksionon sistemi, kur nuk funksionon logjika politike, kur humbet ndjeshmëria politike e njerëzore, kur të errëson sytë pushteti, çfarë ndodh?”, shkruan Ndoka në një postim në Facebook.
