Një kuti e madhe votimi 2 metra e lartë ka dalë nga selia e PD dhe i është drejtuar sheshit para kryeministrisë. Kutia e madhe mbahet nga të rinjtë që në fytyrë mbajnë masakat e protagonistëve të dosjeve të vjedhjes së votave 339 dhe 184, Vangjush Dakos, Damian Gjiknurit, Saimir Tahirit dhe të tjerëve që kanë dalë në përgjimet e BILD. Kutia ndiqet nga disa gomerë të veshur me bluza me logon PS30 dhe u mbush me “fletë votimi” ku shkruhet Rama ik.
Pasi kutia u mbush me “votat” Rama ik, fletët u hodhën para kryeministrisë për të treguar se qytetarët shqiptarë e refuzojnë Edi Ramën dhe duan largimin e tij. Veprimi simbolik i protestuesve është edhe si mesazh se shqiptarët duan që të votojnë pa Edi Ramën kryeministër, si e vetmja rrugë për të pasur zgjedhje të lira e të ndershme, ku ata të mund të zgjedhin.
Një tjetër simbolikë ishte Shqiponja e flamurit kombëtar e vendosur në qëndër të protestës së opozitës. Në zemër të saj shkruhet shifra “85%”, aq sa është përqindja e shqiptarëve që refuzuan Ramën në votimet moniste të 30 Qershorit, sipas opozitës.
Protestuesit në shenjë protestë të mungesës së lirisë së shprehjes kanë mbyllur gojën me logon ERTV. Një formë proteste edhe ndaj përpjkejeve të qeverisë dhe Edi Ramës për ti mbyllur gojën kritikëve dhe veçanërisht pas miratimit të paketës së re të censurës të miratuar nga qeveria dhe të kundërshtuar nga organizatat e gazetarëve vendas dhe ndërkombëtarë. Të rinj që kanë mbyllur gojën me logon e ERTV mbajnë në duar pankarta për lirinë e medias.
