Kryeministri Edi Rama është parë shumë i nervozuar në fjalimin e tij sot në seancën plenare, ndërsa diskutohej nisma e Rilindjes për shkarkimin nga detyra të Presidentit Ilir Meta.
Në fjalën e tij me një ton mjaft të agravuar Rama e ka cilësuar vazhdimisht Ilir Metën armik, të Kushtetutës, Shqipërisë dhe parlamentit.
‘Ilir Meta është armiku i hapur i Kushtetutës së Shqipërisë. Ai sot është armiku i deklaruar i parlamentit të Shqipërisë. Nuk është thjeshtë politikan i frikësuar deri në palcë nga Reforma në Drejtësi, por sot është vetë shëmbëlltyra i të tremburve nga drejtësia’, tha Rama.
