Boldnews.al
Pesë të arrestuarit e masakrës së ndodhur në ndodhur në Kavajë më 4 Korrik do të njihen këtë të hënë me masën e sigurimit personal në Gjykatën e Kavajës.
Ndaj Marjus Aliut, 31 vjeç, Ardian Dedejt, 43 vjeç, Eraldo Hykës, 22 vjeç, Qazim Merkjas, 25 vjeç dhe Agron Kollcakut, 33 vjeç, të gjithë të arrestuar pas ngjarjes, pritet të kërkohet nga prokuroria masa e arrestit me burg pa afat. E njëjta masë pritet të kërkohet në mungesë nga organi i akuzës për Denis Aliun, 33 vjeç, në kërkim policor.
Të enjten, nga përplasja me armë zjarri mes dy grupeve, një kalimtar mbeti i vdekur dhe 4 të tjerë u plagosën.
DINAMIKA E NGJARJES
“Boldnews” sjell dinamikën e ngjarjes, bazuar në dosjen e depozituar në Gjykatë, nga prokuroria e Kavajës:
Me datë 04.07.2019 ora 12:15, është njoftuar Salla Operative Kavajë nga një person për një sherr në lagjen nr5. Kavajë.
Menjëherë në vendngjarje ka shkuar një patrullë policie të cilët kanë konstatuar se në rrugën ‘Fose’, në afërsi të furrës së Bukës së shtetasit F.Gj. ndodhej një person i shtrirë, i dyshuar i vrarë me armë zjarri.
Menjëherë në vendngjarje u dërguan shërbime të tjera të specializuara me qëllim sqarimin e rrethanave dhe kryerjen e veprimeve proceduriale.
Ka rezultuar se më datën 03.07.2019 shtetasi Adrian Dedej dhe Eraldo Hyka kanë patur një konflikt në qendër të qytetit Kavajë, me shtetasin Denis Aliu, ku sipas dëshmitarëve okularë gjatë debatit shtetasi shtetasi Denis Aliu ka qëlluar me shpullë Adrian Dedej.
Nga veprimet hetimore ka rezultuar se pas këtij sherri të momentit shtetasi Denis Aliu ka kërkuar të takojë shtetasin Adrian Dedej për të sqaruar më tej çështjen, por ky i fundit nuk ka pranuar ta takojë.
Si ndërmjetës për shuarjen e sherrit ka ndërhyrë shtetasi Agron Kollcaku, por palët nuk kanë qenë dakord.
Më datë 04.07.2019 shtetasi Roland Demrozi i cili është lidhje shoqërore me Adrianin ka parë në afërsi të marketit ‘Legeja’ në lagjen nr.1 Kavajë shtetasin Denis Aliu i cili ka zbritur nga makina e tij për tu future në market.
Duke qenë në dijeni të problemit shtetasi Roland Demrozi ka telefonuar Adrianin duke i thënë për vendndodhjen e Denisit.
Njëkohësisht shtetasi Eraldo Hyka ka qenë duke lëvizur me makinën e tij tip “Golf 4”, në afërsi të marketit, së bashku me shtetasin Qaim Merkja të cilët kanë parë makinën e Denisit dhe kanë zbritur për tu sqaruar me të. Pas një debate at e kanë dhunuar fizikisht Denisin dhe më pas janë larguar së bashku me shtetasin Roland Demrozi në drejtim të lokalit të Adrian Dedej, ku edhe ka ndodhur ngjarja.
1 i vdekur dhe 4 të plagosur
Nga hetimet, ka rezultuar se pas këtij konflikti në supermarket, shtetasit Denis Aliu dhe Marjus Aliu kanë shkuar pranë lokalit të shtetasit Adrian Dedej në lagjen nr.4 Kavajë dhe ka pasur gjuajtje me armë zjarri, ku për pasojë janë plagosur shtetasi Adrian Dedej, shtetasi Sali Merkja dhe Arben Hajdini të cilët kanë qenë duke ndenjur në lokalit e shtetasit Arben Hajdini, dhe ka mbetur i vdekur në afërsi të furrës së Bukës shtetasi Ramazan Hasalliu, një kalimtar i rastit. Gjithashtu më pas ka vajtur në spital dhe shtetasi Marius Aliu i dëmtuar me armë zjarri.
Gjatë këqyrjes së vendit të ngjarjes janë gjetur dhe sekuestruar në cilësinë e provës materiale 13 gëzhoja, ku 8 prej tyre janë kalibir 7.62, model 56, dy gëzhoja janë të kalibrit 9 mm, dy janë me mbishkrim 7.65 br.18& B, një gëzhojë model 54 kalibër 7.62. është gjetur një këmishë fisheku dhe një mbushje bërthamë që rezulton që këto gëzhoja janë qitur nga katër armë të ndryshme. Në këto kushte arrijmë në përfundimin e thjeshtë se janë katër persona të cilët kanë përdorur armët e zjarrit në konfliktin e datës 04.07.2019.
https://boldnews.al/2019/07/08/masakra-ne-kavaje-gjykata-vendos-per-te-arrestuarit/
