Ministrja e Shtetit për Marrëdhëniet me Parlamentin, Elisa Spiropali, ka folur për herë të parë për akuzat në drejtim të saj, se ajo dhe një tjetër personazh i Rilindjes, janë pjesë e Dosjes së Dibrës.
Ka qenë fillimisht nënkryetari i PD, Edi Paloka, i cili tha se dy shoqe të Rilindjes janë kapur në vepra të turpshme gjatë fushatës në Dibër, duke nënkuptuar marrëdhëniet seksuale, dhe më pas kanë ardhur dy goditje të forta nga LSI, ka qenë fillimisht Elona Guri dhe më pas Kejdi Mehmetaj.
Ndërsa në seancë diskutohej për shkarkimin e Metës, Spiropali ka zgjedhur tu përgjigjet edhe zërave nga opozita se ministrja e Ramës ka pasur detyra specifike në Dibër, duke recituar vargjet e të madhit Lasgush Poradeci.
‘Në asnjë moment Ilir Meta nuk doli mbi këtë turp kombëtar, ai ushqeu me lugën e zbrazur opozitën e rrugës. Shqipëria mund të kthehej në makthin e shqiptarëve dhe në ëndrrat më të bukura të armiqve tanë. Ilir Meta nga zyra e presidentit planifikoi kthimin pas të Shqipërisë. Atentanti ndaj të ardhmes europiane të Shqipërisë i planifikuar me Sali Berishën dhe zbatues Lulzim Basha dhe kryemadhi dështoi. Ka nxjerr një akt në kundërshti me ligjin. Sa për zagarët e qenushet që ka hedhur në sulm partia e tij qëkur kanë dalë kundër dekretit të tij, do ju përgjigjem me vargjet e Lasgush Poradecit:
Shpirtkatranë që më qortojnë
Janë qentë që s’më kafshojnë…’, deklaroi Spiropali.
