Nga Boldnews.al
Kryeministri Edi Rama po e shet veten si më “pro-amerikanin” dhe njeriun më pro reformës në drejtësi, të nisur nga USAID dhe OBDATE, përkatësisht ekspertë të sistemit të drejtësisë në SHBA dhe BE, por të përfunduan nga Nurihani dhe Jari…
Në këtë betejë të ulët politike, ku palët tashmë po masin forcat në një “ring absurd”, qëllimisht po përhapet një kauzë idiote, ku politikanët mburren e çirren se kush është më pro Amerikës. Për më shumë e bëjnë ata gojështhurur, që: “nuk e rruajnë k…, se çajnë b,,,, që i q…robtë”-fraza të shkëputura nga audiopërgjimet e drejtuesve të PS-së pas masakrës elektorale në Dibër.
E sot çuditërisht, Rilindasi më i thekur, me të shkuar në rrënjë e dëgë komuniste, bërtet më shumë: “E dua Amerikën, ne jemi pro politikave të saj”. Po për çfarë? Thelbi është Reforma në Drejtësi dhe çështja e votimeve të 30 qershorit. Një deklaratë e Palmer një javë më parë që bëri thirrje për tu zhvilluar zgjedhjet më 30 qershor dhe më pas Gjykata Kushtetuese të vendoste për legjitimitetin e tyre, u mor nga Rilindasit dhe u përdor si një kartë e fortë, me idenë: “Amerika na do ne”…
Por kjo është një lojë e ulët, pa brumë, pa të vërteta dhe mbi të gjithë e keqpërdorur. Nga ana tjetër, kreu i shtetit Ilir Meta është pozicionuar qartësisht kundër mënyrës si është zhvilluar reforma në drejtësi. Dhe faktet, fatkeqësisht i japin të drejtë. Nën kamuflimin e “monitorimit ndërkombëtar”, sot reformën nuk po e drejton një Xhejms, a Xhon ndërkombëtar, por një Nurihan dhe një Bujar.
Sot në KLP (Këshillin e Lartë të Prokurorisë) janë 11 anëtarë që vendosin për ngritjen e institucioneve kyçe të drejtësisë së re. Në krye të saj është Gent Ibrahimi, që në deklaratën e fundit shprehet se: “Jam krenar që kam punuar nën financimin e miliarderit George Soros”, gjithashtu ka lidhje familjare edhe me eksponentë të rëndësishëm të PS-së (kjo e fundit gjss nuk mund të jetë mëkat, por tregues po).
Autoriteti i Hapjes së Dosjeve të ish-Sigurimit të Shtetit ka dërguar dy raporte komprometuese për dy anëtarë të KLP-së. Sipas tyre, Bujar Sheshi rezulton ish-bashkëpunëtor i Sigurimit të Shtetit dhe më pas hetues i denjë i sistemit komunist. Ndërsa Nurihan Seitaj ka qenë gjyqtare, duke dënuar qytetarët në procese politike se përse kanë ofenduar shokun Enver Hoxha. Megjithatë… “Kush nuk do KLP-së, nuk do as Amerikën”. Të paktën këtë ta thonë Rilindasit e sotëm.
“Shpresoj që këto “arritje” të Ramaformës të mos i mësojnë Profesorët e nderuar të Komisionit Venecias, të paktën gjatë verës, se më e pakta do kalojnë në gjendje të fikti, përveçse s’do e kuptojnë kurrë pse duhet të punonin e studionin për mëse një vit me intensitet aq të lartë e të vinin e të iknin shumë herë kur këtë Ramaformë mund ta kishte mbyllur z.Agaci për një javë dhe disa miq të inamoruar pas reformës të brohorisnin “È buono per l’Albania”-shkruan kreu i shtetit Ilir Meta, rrugës për në Tropojë.
Ai sot u takua gjithashtu me kongresmenin e njohur Eliot Engel, për t’i shprehur edhe “mirënjohjen” për rolin e SHBA-së në vendin tonë. Më shumë se një “dashuri” për vendin me demokraci të shenjtë, politika jonë po luan në mënyrën më fëminore të mundshme, me “athdhedashurinë” për Amerikën, gati janë në gjendje të bërtasin: “Duam më shumë Amerikën se Shqipërinë”.
Këtë po bën kryeministri, që paguajti deri në 80 mijë dollarë për një foto me ish-presidentin amerikan Barak Obama. Në fund vijnë dhe i tundin popullit të varfër dhe shpresëhumbur këto pamje, që stë japin as bukë e as dinjitet.