Një aksident ka ndodhur këtë mbrëmje pranë bypass-it të Fierit. Si pasojë një person ka mbetur i plagosur. Një automjet tip “Audi” është përplasur me një mjet bujqësor. I plagosuri Agim Zeqo është edhe drejtuesi i këtij të fundit.
60 vjeçari nga fshati Havaleas i Fieri është transportuar për në spitalin rajonal të Fierit jashtë rrezikut për jetën.
Sipas banorëve, i aksidentuari po tentonte të kalonte në anën tjetër të bypass-it ku kishte tokat. Në vendngjarje ka mbërritur edhe policia e Fierit për zbardhjen e shkaqeve të aksidentit.
