Shefja e Operacionit Ndërkombëtarë të Monitorimit në vendin tonë, Genoveva Ruz Calavera, ka lëshuar deklarata të forta, gjatë fjalës së saj në Samitin e vendeve të Ballkanit Perëndimor dhe BE-së, që po zhvillohet në Poznan të Polonisë.
Shefja e ONM ka thënë se ndërkombëtarët kërkojnë njerëz në burg, ndërsa ka shtuar se në Shqipëri reforma në drejtësi po tronditë sistemin.
“Sepse kjo do të thotë që me këtë proces, që unë besoj se po shkon në drejtimin e duhur, ne do të kemi një gjyqësor të pavarur, Shqipëria do të arrijë në një pozicion fantastik, për të kapur kohën e humbur deri tani.
Këtë herë kur ne negociojmë anëtarësimin, ne kërkojmë një historik treguesish. Kjo do të thotë që ne duam të shohim që ligjet të zbatohen, duam të shohim njerëzit në burg, asetet e krimit të sekuestrohen dhe ne duam të kemi mjaftueshëm fakte/prova, jo vetëm ligje, për të demonstruar që sistemi është i konsoliduar.
Vetëm mund të shpresoj që në Shqipëri, kur sistemi po tronditet, të gjithë politikanët ta kuptojnë vlerën që ka respektimi dhe mbështetja e kësaj reforme”, ka thënë Calavera gjatë fjalës së saj.
