Dhuratat e vetme që Edi Rama merr, janë ato që i jep Lulzim Basha. Kështu u shpreh deputeti ralf Gjoni, gjatë seancës së sotme parlamentare, duke i kërkuar deputetëve socialistë që të tregohen seriozë dhe të angazhohen për një reform zgjedhore të plotë.
“Mbushjani mendjen Kryetarit dhe Kryeministrit, se ka edhe ditëlindjen sot, dhe dhuratat e vetme që merr ia jep Lulzim Basha.
I dha Qeverinë, i dha Parlamentin, dhe së fundmi për ditëlindje i dhuroi edhe 61 bashkitë.
Tani ju dilni dhe thoni jemi gati dialog, po me kë do bëni dialog me ata që dolën nga Parlamenti, me ata që braktisën zgjedhjet”, tha Gjoni.
Në vijim duke iu drejtuar deputetëve të PS-së, ai tha “ju diskutoni sot për rrëzimin e presidentit, ne sot duhet të diskutojmë për rrëzimin e këtij sistemi politik të kaluar. Ju sot dilni dhe bëni moral për reformën në drejtësi, kjo është një tallje. Ju çfarë bëni, hapni sherre me Presidentin rrëzoni dekretin e tij dhe bëni sikur jeni të virgjër. Ju do të bëni drejtësi? Kjo është për të qeshur dhe për të qarë.
Rama ta gëzojë ditëlindjen, komandanti juaj, shihni sa të gëzuar jeni. i kujtoj Ramës këngën “Globi rrotullohet”, unë do thoja krevati rrotullohet mes ju te treve.
Kam edhe një fjalë për ata ambasadorë që sot pa e kuptuar se ç’po ndodh bëjnë thirrje për dialog. Nuk ka më vend dialogu, sepse i bie të rrotullohen sërish treshe ata.
Zgjedhjet i kryen, ashtu siç u kryen, unë nuk votova se nuk kisha asnjë mundësi zgjedhjeje, por i mbështeta ata”.
