Tjetër ngjarje e rëndë pas masakrës në Kavajë, ku një person mbeti i vdekur dhe disa të tjerë u plagosën nga përplasja me armë zjarri me dy grupeve.
Detajet/ Vrasja në Kavajë, viktima kalimtar i rastit. Shkon në 6 numri i të plagosurve…
Këtë herë, ka ndodhur një plagosje me thikë në Shkodër.
Nga informacionet paraprake bëhet me dije se një person mbeti i plagosur me thikë në vazhdën e një konflikti me një tjetër shtetas. I lënduari u transportua në spitalin rajonal. I riu, Igli Pallosha ndodhet në gjendje të rëndë për jetën. Ai ka marrë disa plagë në pjesën e barkut.
Plagosja ndodhi pranë poliklinikës së qytetit verior, ndërkohë nuk dihen rrethana të tjera lidhur me ngjarjen.
“Në ora 13:10, ka shkuar në Spitalin Rajonal Shkodër në gjendje të rëndë, i plagosur me thikë shtetasi I. P, 19 vjeç, banues në lagjen “Vojo Kushi”, Shkodër dhe ndodhet në sallën e operacionit. Nga veprimet e para hetimore dyshohet se është plagosur gjatë një konflikti në lagjen ‘Qemal Stafa’ Shkodër. Në vendngjarje ndodhet grupi hetimor ku vijon puna për zbardhjen e rrethanave të ngjarjes, identifikimin dhe kapjen e autorit/ëve”, njoftoi Policia.
