Me siguri e mbani mend Ermela Mezuraj, një nga fitueset e ‘Big Brother’ e cila është komentuar gjithmonë për pamjen e saj dhe ka qenë ndër të preferuarat e publikut. Këtë herë ish-banorja e shtëpisë më të famshme do të rikthehet në televizion me një mision personal shumë të veçantë.
Ajo do të shfaqet në ‘Doktor Plastik’ ku do kryejë një ndërhyrje plastike në gjoks për ta zmadhuar. Në promon e programit ajo shprehet: “Në ‘Doktor Plastik’ jam për të bërë një zmadhim të gjoksit, me dëshirën time më të madhe dhe me vullnet të plotë. Kam dëshiruar gjithmonë që ta kisha më të madh, por mami më thoshte se nëse haja dhe shëndoshesha do të më rritej vetë gjoksi”.
Me këtë vendim që Ermela ka marrë do të jetë i pari personazh publik që tregon publikisht të gjitha hapat e një ndërhyrjeje plastike dhe rezultatin.
Bukuroshja është përfolur shpesh edhe për ndërhyrje në fytyrë, por nuk i ka pranuar kurrë.
