Një person mbeti i vrarë mesditën e sotme në Kavajë, ndërsa 6 persona të tjerë raportohet se janë plagosur. Një prej të plagosurve është transportuar drejt Tiranës në gjendje të rëndë shëndetësore.
Nga të dhënat e para mësohet se viktima është një kalimtar i pafajshëm, ndërsa ngjarja e rëndë ka ndodhur si rezultat i përplasjes së dy grupeve kriminale.
Policia mësohet se ka ndaluar dy persona sit ë dyshuar të përfshirë në konfliktin me armë.
Viktima është 50 vjeç, por identiteti i tij nuk bëhet i ditur.
Policia ka nisur një operacion të gjerë, duke ngritur postoblloqe në qytet, dhe kontrolle të shumta.
