Ministri i Bujqësisë Bledi Çuçi gjatë një debati mbrëmjen e djeshme në emsionin Tempora me aktivistin Zirkon Disha tha se ai personalisht dhe gruaja e tij nuk kanë përfituar asnjë qindarkë nga Soros.
Çuçi tha se nga Soros ka përfituar Basha, vajza e Berishës dhe establishmenti që ka Meta.
Në fakt Çuçi ka pohuar një gënjeshtër, të paktën në rastin e bashkëshortes së tij.
Delina Fico ka qenë anëtare e Bordit të Soros në 2012, në kohën kur ky bord drejtohej nga Linda Xhillari.
Debati
Disha: Për rastin e Soros nuk do vazhdojmë të komentojmë se jeni në konflikt interesi. Sepse gruaja juaj është një nga personat…
Çuçi: Përrallat me Soros i kemi dëgjuar 100 herë. Unë personalisht nuk kam marrë asnjë biletë autobizi nga fondacioni i Soros. Basha, goca e Sali Berishës dhe establishmenti që ka Meta aty të paktën kanë përfituar gjysmë burse dhe bileta avioni për të shkuar jashtë vendit. Kanë bërë shumë mirë sepse në momentet kur ka pasur një varfëri ekstreme, njerëzit nuk kanë pasur bukë të hanë, nuk mendonin për libra dhe për tu shkolluar në universitetet më të mira të botës. Ai i ka ndihmuar dhe ka bërë mirë. Unë personalisht një biletë nuk kam përfituar dhe as bashkëshortja ime nuk ka përfituar kurrë dhe nuk ka punuar kurrë për Soros. Ti që merresh me muhabete kafenesh.
