Ish-ministri i Drejtësisë, Ylli Manjani, ka reaguar pas vendimit të Gjykatës për të lënë të lirë drejtuesit dhe simpatizanët e PD-së, të cilët ishin të arrestuar pasi kishin dalë në protesta.
Në reagimin e tij Manjani pyet: “A ka ndonjë fjalë për të thënë Ministria e Brendshme për të gjithë të arrestuarit e muajit të fundit që i liroi gjykata?”
Sipas tij, policia e shtetit dhe ministria e brendshme duhet të kërkojnë minimalisht të falur.
Postimi i plotë i Ylli Manjanit:
A ka ndonjë fjalë për të thënë Ministria e Brendshme për të gjithë të arrestuarit e muajit të fundit që i liroi gjykata?
I liroi si arrestime të paligjshme dhe me akuza të pambështetura në prova.
Ku shkuan gjithë ato deklarata pompoze se arrestuan dhunues, zjarrvënës, pengues, goditës të rendit e të policisë?!
A kanë një ndjesë për të kërkuar të paktën?!
Akoma nuk e kanë kuptuar se nuk mbahet pushteti me arrestime politike?!
