Barcelona ka mbyllur vitin fiskal (qershor 2018- qershor 2019) me një rekord sa i takon bilancit të të ardhurave nga shitjet e lojtarëve.
Në sezonin e kaluar katalanasit përfituan 131 milionë euro nga shitja e lojtarëve, ndërsa ky vit u mbyll me 221 milionë euro të ardhura nga shitja e 14 lojtarëve. Vetëm në ditët e fundit u arkëtuan 77.4 mln euro nga shitja e Cillesen, Andre Gomes, Denis Suarez dhe Marc Carmona.
Rekordin e shitjes më të lartë e mban Paulinho. Braziliani e filloi mirë aventurën në Spanjë dhe ishte i preferuari i trajnerit Valverde, por në muajt e fundit ra ndjeshëm. Oferta tepër e lartë nga Kina, e bëri të pamundur qëndrimin e tij në “Camp Nou”.
Ja lista me 14 lojtarët e larguar dhe destinacionet e tyre:
Paulinho(50M, Guangzhou), Cillessen (35M, Valencia), Yerry Mina (30.2M, Everton), André Gomes (25M, Everton), Alcácer (23M) , Borussia Dortmund), Digne(20.2M, Everton), Denis Suarez (12.9M, Celta), Aleix Vidal (8.5M, Sevilla), Marlon (6M, Sassuolo), Arnáiz (5M, Leganés), Marc Carmona (2.5M, Osasuna), Cucurella (2M, Alavés), Munir(1M, Sevilla), Ruiz de Galarreta (0.5M Las Palmas).
