Prej kohësh flitej se Stefano Sensi ishte shumë afër Interit, ditën e sotme ka ardhur edhe zyrtarizimi.
Pasi më parë ishte raportuar se lojtari po kryente vizitat mjekësore, tashmë zikaltërit kanë zyrtarizuar transferimin e lojtarit të Sasuolos. Sensi transferohet tek Interi në formën e huazimit për shumën e 5 milionë eurove, me këta të fundit që kanë të drejtën e blerjes në fund të sezonit për shumën e 22 milonë euro.
Në këtë marrëveshje është futur edhe lojtari i akademisë së Interit, Marko Sala, i cili do t’i bashkohet Sasuolos për 5 milionë euro.
Stefano Sensi ishte shumë afër transferimit tek Milani, por dështoi, dhe me dëshirën e Antonio Kontes, zikaltërit e morën në skuadrën e tyre. Pas Godin dhe Lazaro, Sensi është futbollisti i tretë i afruar në këtë merkato, teksa në ditën në vijim pritet edhe sulmuesi Lukaku.
