Një zëdhënës i rajonit qendror të Benue-s në Nigeri ka thënë se të paktën 50 persona kanë vdekur pas shpërthimit të një cisterne me naftë, e cila ishte aksidentuar në rrugë dhe njerëzit po mundoheshin të merrnin naftë nga ajo.
“Një cisternë e mbushur me naftë është rrokullisur të hënën, ndërsa njerëzit ishin afruar të merrnin naftë kur ajo shpërtheu. Mbi 50 persona kanë vdekur”, tha ky zëdhënës. Disa persona të tjerë kanë pësuar djegie të rënda dhe po trajtohen në spital.
Incidentet e tilla janë mjaft të shpeshta në Nigeri, ndonëse numri i viktimave është zakonisht më i vogël.
Ndonëse çmimi i naftës në këtë shtet është i lirë, një pjesë e madhe e popullsisë jeton në varfëri ekstreme dhe ata përpiqen ta shfrytëzojnë rasti të furnizohen me naftë nga cisternat e aksidentuara.
Në tetor të vitit të kaluar, 60 persona vdiqën kur një gyp nafte shpërtheu në pjesën juglindore të Nigerisë, shkruan “Reuters”.
