Gazetari Sokol Balla ka reaguar sot pas deklaratave të Presidentit Ilir Meta.
Meta u pyet në konferencë nga një gazetar i Vizion +, nëse po e shkatërroni të ardhmen e këtij vendi?
Presidenti e pyeti gazetarin se kë ka drejtor informacioni, dhe më pas tha “Sokol Balla, nuk ka asnjë konflikt interesi apo jo? Se është i shqetësuar për mua, po nëna e fëmijëve të tij punon në qeveri. Reforma në Drejtësi, është genocid si ajo tek Unaza e Re. Nuk është arrestuar as edhe një recepsionist. Të vijë tek Sokol Balla, të përballemi, edhe me miqtë e tij amerikanë”.
Pak orë më pas, Sokol Balla ka publikuar në rrjetet sociale një foto të tij me Metën në vitin 2002.
“Me Ilir Metën në Kremlin në 2002, kur ishte zv. kryeministër?
Sot Presidenti @ilirmeta.faqjazyrtare më sulmoi e kërcënoi mua dhe fëmijët e mi. Por dhe me sfidoi për të ardhur në emision dhe të përballej me të vërtetën, sipas tij dhe të vërtetën, sipas meje. Ilir! Të pres të enjten në ora 21:00 në #realstory në @vizionplus. Ballë për Ballë.
Gjithsesi orën zgjidhe vetë. Qoftë dhe në 05:00 të mëngjesit”, shkruan Balla.
