Ka përfunduar procesi i numërimit të votave edhe në Bashkinë e Krujës, ndërsa fitues është shpallur Artur Bushi, i cili garonte i vetëm.
Problemi që ka dalë nga numërimi i votave ishte ai që në kutitë e votimit janë gjetur 2058 vota më shumë se numri i votuesve që kanë marrë pjesë në votimet e 30 qershorit.
Referuar shifrave zyrtare të KQZ-së, në Krujë kanë votuar 16500 votues.
Ndërkohë në përfundim të numërimit rezulton se Bushi ka marrë 17808 vota, pra 1308 më shumë se numri i votuesve.
Veç këtyre kanë dalë edhe 748 vota të pavlefshme, duke e çuar diferencën në 2058 vota.
Pra, kaq vota janë hedhur në kuti për të rritur numrin e pjesëmarrësve, pasi nuk ka pasur asnjë arsye tjetër, përderisa Bushi ishte kandidat i vetëm në garë dhe me ligjin shqiptar ai mund të shpallej fitues edhe me 1 votë.
