Elisa Spiropali, ministre e Shtetit për Marrëdhëniet me Parlamentin, tha mbrëmjen e sotme se atë që PD e quan si fitore zgjedhjeje nuk shkon, pasi opozita paralajmëroi një stinë përplasjeje, ku nuk do të kishte zgjedhje dhe do të kishte ndalesë procesi.
“Pamë djegie shkollash dhe materialesh zgjedhore. Premtuat rrëzimin e Edi Ramës, por siç ka thënë Niçja, kush nuk të vret të bën më të forte”, tha Spiropali.
Por kjo deklaratë e Spiropalit, është pasuar në “Open” nga batuta e gazetarit Enton Abilekaj, i cili pyeti “kush ai Niçja i Shijakut”, duke iu referuar personazhit të dosjes 339.
Spiropali gjithashtu deklaroi se Ilir Meta është një President në shkarkim e sipër dhe nuk mund të bëjë shakatorin, ndërkohë që ka dalë kundër SHBA e BE.
“Në rast se bën të njëjtën gjë dhe pret rezultate të ndryshme o je i marrë o je budalla”, tha Spiropali.
Ministrja e Shtetit për Marrëdhëniet me Parlamentin, Elisa Spiropali, deklaroi se zgjedhjet treguan se opozita mori një humbje të madhe dhe tani do të nisë një llogari në PD, ku do t’i kërkohet Lulzim Bashës llogari për djegien e mandateve.
