Kryetari i PD në Vaun e Dejës, Agim Bushati, pas përfundimit të procesit të votimit në Bashkinë e Vau Dejës, theksoi pjesëmarrjen e ulët të votuesve, shifër kjo jo më e lartë se 9.5%.
Bushati u shpreh se nga monitorimi i grupit të vëzhguesve rezulton se në procesin zgjedhor jane bërë manipulime të shumta, ku ka pasur presione ndaj punonjësve të administratës.
“Gjithashtu është vërejtur se komisionerët e qendrave të votimit janë njëkohësisht dhe kandidatë për këshilltarë Bashkiake. Kjo është një shkelje e rëndë e ligjit. Po ashtu tre qendrat e votimit në njësinë Shllak dhe ajo e Shelqetit janë mbyllur para orarit zyrtar.
Ndersa QV në Njësinë Bushat është hapur një orë me vonesë”, ka thënë ai.
