Një ngjarje e rëndë ka tronditur qytetarët e Kamzës, pasi është ndarë nga jeta në një moshë fare të re, këshilltarja e PArtisë Demokratike në Kamëz, Enrisa Poleshi.
Lajmin e ka bërë të ditur vetë Xhelal Mziu në një status në rrjetet sociale ku shpreh respekt të madh për Poleshin dhe për kontributin që ajo ka dhënë në PD.
Mziu ka publikuar edhe disa foto në rrjetet sociale ku shihet i shoqëruar nga anëtarë të Këshillit Bashkiak Kamëz, të njohur dhe familjarë të të ndjerës.
Ata kanë vendosur kurora me lule dhe kanë bërë nderimet për këshilltaren e tyre të ndjerë. Ndërkohë ende nuk dihen shkaqet e ndarjes nga jeta të këshilltares së PD-së.
Statusi në rrjetit social të Xhelal Mziut
Z.Xhelal Mziu merr pjesë në ceremoninë mortore të Këshilltares Bashkiake, zj.Enrisa Poleshit
Ndahet nga jeta në mënyrë të befasishme, Enrisa Poleshi. Në një mënyrë të befasishme është ndarë nga jeta perfaqësuesja e Partisë Demokratike, në Këshillin Bashkiak Kamëz, në mandatin 2015-2019 Enrisa Poleshi
Enrisa Poleshi në një moshë fare të re përqafoi idenë për të hyrë në politikë dhe për të dhënë kontributin e saj për qytetarët e Bashkisë Kamëz.
E karaktirizuar nga një edukatë qytetare dhe gjithmonë e gatshme për të mbështetur me miratim, aprovimin e të gjithë veprimtarisë së Këshillit Bashkiak,Enrisa Poleshi do të mbahet mënd për kulturën e saj qytetare si dhe formimin e saj akademik.
Në nderim të figurës së Enrisa Poleshit, kryebashkiaku Mziu I shoqëruar nga anëtarë të Këshillit Bashkiak Kamëz si dhe të njohur dhe familjarë të saj, vendosi kurora me lule në banesën e fundit ku u preh trupi I Enrisa Poleshit
