Një ditë më parë në Shqipëri u mbajtën votimet për kryetarët e bashkive dhe këshillat bashkiake, ndërsa ky ishte një proces njëpartiak, për shkak të mospjesëmarrjes së opozitës.
Ajo që u denoncua gjatë ditës së djeshme, por që u rikonfirmua edhe sot nga vëzhguesit ndërkombëtarë të OSBE/ODIHR, ishin presionet ndaj votuesve.
Presionet më të mëdha janë ushtruar ndaj punonjësve të administratës shtetërore, që janë detyruar të marrin pjesë në një proces, ndoshta duke i kërcënuar me vendet e tyre të punës.
Dhe duket se hakmarrja e disa prej punonjësve të administratës ndaj urdhëruesve për të dalë në votime është shprehur pikërisht te vota.
Në çdo bashki numërohen me mijëra vota të pavlefshme. Vetëm në Tiranë numërohen në 11 njësitë e Tiranës 10740 vota të pavlefshme, ku njësitë që kanë numrin më të lartë janë Njësia 5, Njësia 2 dhe Njësia 7.
Votat e pavlefshme në Tiranë:
Njësia 1 – 857
Njësia 2 – 1549
Njësia 3 – 663
Njësia 4 – 784
Njësia 5 – 1717
Njësia 6 – 889
Njësia 7 – 1313
Njësia 8 – 609
Njësia 9 – 1191
Njësia 10 – 319
Njësia 11 – 849
