E pabesueshme por deri tani në 8 bashki të vendit kandidatët e Partisë Socialiste po fitojnë me më shumë vota sesa votues. Ky duket një megaskandal.
Edhe në Bashkinë e Vorës dora e komisionerëve të PS-së e ka tejkaluar planin e urdhëruar nga Edi Rama.
Edhe në këtë bashki, kandidati Agim Kajmaku ka fituar me më shumë vota se sa kanë votuar qytetarë.
Në Bashkinë e Vorës kanë marrë pjesë 6120 votues sipas të dhënave zyrtare të publikuara dje në orën 22:00 nga KQZ-ja.
Në përfundim të numërimit të kutive të votimit, Agim Kajmaku biznesmeni i luleve ka marrë 6208 vota, ose thënë ndryshe 88 vota më shumë se votues.
